已經不是第一次去7＋3，每次都有唔同感覺...
從食物，餐廳佈置到服務員表現，整個氛圍一次次加深我對7＋3的印象。
今次有一班師兄應約前來，大家聚在一齊，落坐包廂，燈盞繚繞，極適合閒聊的氛圍。討論工作，討論食物，吹水聊天，尤其有幾位特別能帶動氣氛的師兄，攪起話題，令大家談笑相宜，樂在其中。
食物點評：（推介指數*****為最高）

蓮藕和蒜蓉菜心：感覺呢兩道菜都值得推薦。之前來7＋3食嘢都係為食燒烤同海鮮，主題太明確，忽略了其他東西。講實話，這裡的炒菜味道還是很不錯的，蓮藕爽滑，味道鹹淡相宜，成色賣相都幾好啦；蒜蓉菜心，炒到七八成熟就裝盆，菜青色保持得誘人咁樣，又唔覺得油多，清脆爽口。推介指數*****


祕製鷄柳：大大塊肉，睇相應該味道好好，但實際上當咗。蜂蜜味道已經蓋住其他配料，只食出甜味，膩膩齊。可惜咯，到底系祕製還是蜜製？推介指數*

蜜糖雞中翅：比鷄柳要好D，不過都係甜多。肉骨都入味噻，主要係嫩，趁熱食最好！推介指數****

牛板筋：唔知點講，總之好好食，邊食邊擦嘴巴咯，芝麻兜在嘴邊多D。夠香夠味道，有嚼勁。推介指數*****

茄子：首先茄瓜大大隻，蔥蒜調料正到好處，外面入味香香，內裡就原味清甜。不過最好都係熱食。推介指數*****

砂鍋粥：肉料青菜搭配得好也夠份量，米又夠粘，糯糯的感覺。味道很不錯，香鮮甜爽口，可稱得上全台明星菜，雖然最後出場，但被消滅得好快，壓軸來嘛！推介指數*****（全場明星）
燒生蠔：每次必點，次次都會唔一樣。不過今次都好過以前，料多味道夠，肉質好嫩，蠔味鮮，甜。從來沒試過原味的，下次要試下，聽到師兄有贊原味好食。推介指數*****

錫紙金針菇：包裝精緻啦，制法就唔知。金針菇剪得整整齊齊，都已經熟透，汁料浸滿錫紙池，當然也夠清甜，味道足。但好怪，D味道好似同烤生蠔D配料配汁同出一缸，兩樣菜的汁料食出味道真係一分都唔差咁。推介指數*****


羊肉串：肥瘦搭配，賣相也不差。味道除了唔夠香其他都可以，唔覺得膩配料味又唔會太重，比街邊新疆人正宗羊肉串果D要好咯，至少干淨衛生得多。推介指數****
野兔肉串：開始以為系野豬肉，因我睇唔出來。放有胡椒還是辣椒粉過重，肯定唔攪均勻，食到一粒冇野，第二粒就好辣好辣，麻麻嘴。肉質鮮嫩，也不槓牙齒。推介指數****
晚市10點左右，大堂內過半入座，點起蠟燭，放起輕音樂，氣氛幾好咁。已經睇到效果，年輕人三三兩兩，情侶咯，密友咯，一雙一對邊食邊傾，浪漫……
7＋3價錢算比較公道，屬於物對所值，服務員都係訓練有素，禮貌得體,如果朋友小聚可推荐一嘗，唔會失望...

謝謝大大的無私分享