一直以泥我都當佢係好同事，好朋友…

我全心全意去栽培佢…唔知道佢已經結左婚…(我唔知道佢同丈夫點樣，剩係知佢地兩個一齊排緊公屋，同每個星期六日佢會番長州見老公)

後尾佢先講出泥，個陣我已經鐘意在佢…

於是我唯有忍痛放手…

要放棄一個人從來都不易為，但係我沒有辦法…

仍然鐘意佢，但係祇發乎情，止乎禮…

我自問對得任何人，無做過任何越軌行為…

event 如果佢老公企係我面前我都唔怕…

我向她講明我不做第三者，希望佢唔好辜負我心意…

佢知道我對佢係點，亦都應承左我…

可是，後來佢竟然接受左另一個男人追求…

我真的很傷心，因為我覺得佢咁樣做傷害左我…

就算簡簡單單比一個女仔飛，我都唔會覺得咁痛…

放棄對一個人ge愛係痛苦，但係更痛苦ge係佢辜負左我…

到個一刻我先發覺自己有幾咁愚昧…

我當時好想問佢：「知唔知咁對我好唔公平？妳係對我有過好感，但係既然已經名花有主，咁我退出，但妳而家又同第二個男人一齊，咁我算係乜野？」

我沒有問出口，因為個女仔自己都心知肚明，所以成日同我講對唔住，話自己好衰…

但係依然每日都咁傷害我，個段日子我好辛苦好難過…

而佢亦都續漸對我疏離，連好朋友都開始做唔到…

我無法忍受，嘗試苦苦挽留佢，用sms表達過我ge愛意…但係已經太遲

好心痛，比單單因為相處不來而分手更難受！

曾經安慰自己，係個女仔怕寂寞，所以先接受左段婚外情…那都不是真愛，可是已經一年了，佢地兩個仲係一齊緊…

我放低唔到個女仔，每次佢一打泥我都好開心，出去食餐飯我都好期待…

過後卻更傷心！

而家我好怕，我每一日都驚佢地會結婚，我會承受不了！

__________________________________________________________________________________________________________
想問一下，當初我放手，是我錯了嗎？
我亦不知道該如何面對，實在太辛苦也太累！也太傷心…
視如陌路我又不捨得！
有女性朋友可以告訴我，個女仔係乜野心態嗎？

我唔係好明喎
你鍾意左個有夫之婦, 但佢又已經同另一個男人一齊
咁你地咪四角戀?

你又驚佢地會結婚
即係佢要先同現任老公離婚再同果個男人結婚
到時你仲肯等佢?

清醒d啦

算啦''
你都係放棄佢啦''
找一個真心愛你既人''

算吧啦﹐個女仔同你講真話。話你知有老公咪好囉。

我5年前有個經驗係個女仔無話結左婚﹐同我一齊。唔到最後一刻都唔講出真相﹐到講出呢。。。個女仔講完唔夠兩秒﹐老公棟左1係我後面啦。。。(地點﹕餐廳)。相信我唔洗講都知道劇情會好似電視劇甘發生架啦。

個女仔最少無呃你呀﹐甘咪算囉。
如果你好似我甘﹐睇你接唔接到丫﹖
我自己仍然生存﹐我都覺得自己好堅強。。。但係我都撐左好耐先企返起身咋。你都睇開D啦。

[quote]Originally posted by [i]richi0824[/i] at 2008-6-5 07:26 AM:
算吧啦﹐個女仔同你講真話。話你知有老公咪好囉。

我5年前有個經驗係個女仔無話結左婚﹐同我一齊。唔到最後一刻都唔講出真相﹐到講出呢。。。個女仔講完唔夠兩秒﹐老公棟左1係我後面啦。。。(地點﹕餐廳)。相信 ... [/quote]

佢無呃過我，咁點解唔乖乖地同老公一齊？

如果佢段婚姻係有問題，點解唔話我知？

如果因為佢唔鐘意我，覺得唔駛同我講…咁點解又要對我有好感，要向我暗示？

如果暗示祇係我自己諗多左，咁點解之後要同我講對唔住？

感情呢D野﹐唔係單方面既。
個女仔咩原因都好啦﹐你都知道對方係有老公既﹐係唔係先﹖
如果你係知道對方係有老公既﹐甘點解要自己陷入呢種局面﹖

我諗係人都應該聽過“牛唔飲水﹐唔‘禁’得牛頭底。”

甘大個人邊D野應該做﹐邊D野係唔應該做﹐自己應該好清楚。
要自己陷入呢種關係既人唔係邊個﹐而係自己。
諗返轉頭﹐其實好多野你係可以控制既。

唔可以咩都怪晒對方﹐點解要搞婚外情﹖有問題先會甘樣﹖如果甘諗既話﹐其實比緊值口自己。個女仔就算婚姻有問題﹐都係佢同佢老公既事。

我都唔係話你唔岩﹐或者係比我好。只係我既經驗﹐如果我早知。我唔會比件事發生﹐唔會開始。對方始終係人地既老婆﹐點講都係理虧。