[[比較長 請細心看 很需要cm]]

我完全唔明我男朋友諗緊咩
先講下同佢既關係
毫無疑問  係非常好
係完全冇諗過要分手果隻

有次佢打尼話有野同我講
我聽到佢把聲好似好唔開心咁
已經知有d野
佢自己一輪咀咁講
講野又痴埋一舊舊咁
我唔係好明佢講咩
淨係大約聽到佢話佢d fd唔中意我同佢一齊
[[我未見過佢d fd]]
d fd唔中意我佢中意咪得囉
佢果陣都話佢都唔想同我分手
但係我唔知點解
佢過左一陣又打尼
話要分手...

果陣好無奈
我問佢點解佢又淨係識講對唔住
問咩佢都係講對唔住
我根本就唔知發生咩事
最奇怪係佢自己話分手
我喊好正常
竟然佢都喊
既然2個都唔想
咁點解係都要分手
我又冇話唔中意佢
真係完全唔明佢諗咩
但係過多陣佢又喊住咁同我講話唔好分手

唔知係心理既問題定係咩
今日同佢傾電話好似好陌生咁
好少野講
語氣唔同
感覺上咩都唔同晒
好唔開心
好辛苦

我想問d野
1] 佢係唔係因為佢d fd所以諗住同我分手
2] 佢個心其實諗緊咩
3] 係唔係我既問題
4] 有冇可能可以再好似以前咁傾計
5] 好唔好問清楚佢到底發生咩事
謝...

1)有冇可能有第三者
2)自己都唔知想點
3)問題在男方身上
4)無話唔得，睇妳點處理
5)如果妳唔想同佢分手，最好唔好問，
  等佢自己考濾有幾愛妳。

我諗你要做佐第五點先,問清楚佢到底發生咩事...
咁其他問題可能都會解決到...
如果你吾問既話..大家既關係就會好似你所講既咁樣..
陌生...或者...會吾知講咩好

請妳先問自己，
究竟是要知道真相，
還是想繼續依段情，
真相大白好多時=結局！

  祝妳有個完滿的結局

葉子的離去是風的追求還是樹的不挽留