2007-9-28 13:34
cleverkaki
今朝(26/9)八點幾九點,我爸爸放假,同媽咪帶同兩隻史納莎(女,一隻四歲,一隻四歲半, 不是親生姊妹,但一起成長)及一隻松鼠狗(男,六歲)
到屋企附近散步,本身我地住西貢村屋, 於是帶三隻狗沿西沙公路散步,
都是自己屋企附近約十至十五分鐘路程, 行至瓦窰頭村村口,
遇見一個男子拖著一隻黑色洛威拿及一隻大狼狗,坐在村口樹下休息,
當時兩隻狗都冇帶口罩, 當時我父母正打算走回頭路回家,
拖著大狗的男人說:「唔怕架,冇事架,你地過啦」
點知突然兩隻狗追住我隻四歲半史納莎咬,
由於四歲半史納莎是我爸爸拖著,而且是行頭,
媽媽則拖著另一隻史納莎及松鼠狗, 爸爸想上前救那隻史納莎,但那隻洛威拿連我爸爸都想咬.
於是我地只好放棄,後來拖大狗o個男人拉走左兩隻狗,我地先可以救隻狗,
而另一隻史納莎想上前救她的姐姐, 都被那大狗抓傷, 背部有五處兩寸 x 兩寸的傷口,
我地已經立即駕車帶左重傷o個隻去醫院急救, 可惜醫生話佢身上太多傷口,
佢慘到d腸都走埋出黎,又內出血,個肺又被咬破, 橫格膜又被咬穿,
而令佢失血太多同透唔到氣...
醫生話會同佢搶救,但佢身體可能會虛弱到捱唔到支麻醉針,
點知醫生都未同佢做手術已經救唔番!
而另一隻醫生話應該只係皮外傷,敷藥後已經出院...
我地屋企好傷心...
而爸爸更非常自責認為自己救不到她!
那隻跟她一起成長的史納莎更在家四處找她, 又叫爸爸帶佢出街...好似想搵番姐姐咁!
而我爸爸每次見到咁都喊到收唔到聲....因為爸爸一直當佢地係女咁湊...
於是我地報左警,同報左漁謢署,
但佢地都推卸責任, 警察話唔捉狗, 漁護署又話捉左都係去check下佢有冇狗牌同有冇打針...
而家覺得好無助....並唔係話要賠償或者咩....
但我地好想為隻狗討回公道!
而且希望個狗主自重,因為附近d村民講個狗主係一向都冇幫狗帶口罩出街,
條村d人同狗都好驚佢地,因為佢地會撲人, 而且佢已經有前科,曾經咬過其他狗,
而且有目擊者見到事發經過, 好可惜我地而家都唔知點做...
漁護署又幫唔到忙....我地想告佢又唔知點做....
希望各位有心人可以幫手!
亦希望各狗主帶大狗出街要帶口罩!唔好害到其他無辜o既人同狗！
[IMG]http://i34.photobucket.com/albums/d149/cleverkaki/IMG_3966_.jpg[/IMG]
[IMG]http://i34.photobucket.com/albums/d149/cleverkaki/IMG_3967_.jpg[/IMG]
[IMG]http://i34.photobucket.com/albums/d149/cleverkaki/IMG_3968_.jpg[/IMG]
[IMG]http://i34.photobucket.com/albums/d149/cleverkaki/IMG_3971_.jpg[/IMG]
[IMG]http://i34.photobucket.com/albums/d149/cleverkaki/IMG_3975_.jpg[/IMG][IMG]http://i34.photobucket.com/albums/d149/cleverkaki/IMG_3977x.jpg[/IMG]