暗黑志玲從良拍戲 想與劉華談情

日本AV女優、有「暗黑林志玲」之稱的波多野結衣，近日來港為首部擔正台灣電影《沙西米》宣傳。自認身材不及林志玲的結衣，向《頭條日報》記者坦言第一次拍電影的難忘經歷，除重拾新人感覺外，更試過辛苦到喊，不過未有令她放棄「從良」決心，她希望在AV界退休後，可以跟劉德華合作拍攝愛情片。

[img]http://www02.ktzhk.com/attachment.php?aid=726479&noupdate=yes&nothumb=yes[/img]

跟林志玲素未謀面的結衣，對於這個翻版之名一點不抗拒，「未有人話我似佢之前，都知佢係邊個，因為佢喺日本都有拍過劇集，人哋話我似佢都好開心，因為佢好靚嘛！（邊個身材好啲？）梗係佢啦！佢比例好，手腳都好修長。」

開拍《沙西米》前，結衣已留台兩周集訓，她覺得有機會重新學習很開心，但卻為了一場戲而喊：「嗰場戲要做女體盛，我要瞓喺度三、四個鐘同一個姿勢，其間有工作人員問我使唔使休息吓，但係我怕影響進度冇休息，點知後尾都係支持唔到，覺得自己好冇用就喊咗出嚟，下次我都會聽工作人員話啦！」

《沙》片以AV女優「夏美」得知男對手患上愛滋病消息後，決定避到台灣兼找尋失散兒子，結衣坦言若遇到同樣情況也會逃避：「我會先檢查，但真係有病都會逃避，或者會去環遊世界搵美食。」談到「退休」問題，結衣未有定案：「暫時未知，但都想拍多啲劇情片。（想同邊個港星合作？）劉德華，佢好有型，想同佢拍愛情片。」