基仔將參加《我是歌手》復活戰

古巨基出席手機活動，獲品牌送上9卡鑽石手機，讓他贈給老婆Lorriane，他又透露自己打算參加《我是歌手3》突圍賽，看看能否復活重返舞台。

基仔透露上月老婆生日，親自出馬炮製一個士多啤梨生日蛋糕。他讚自己好威威，第一次弄蛋糕味道一流，不過賣相就差了一點。「喺工場弄好之後放喺包裝盒度，回到屋企亦即刻放入雪櫃，但第二日拎出來嘅時候先發現蛋糕變咗樣，又硬又變做斜塔咁嘅款。」

婚後首個情人節，基仔指會與老婆外遊，但會於新年前返港。他直言，今年是婚後第一年派利是，具極大意義亦不會逃避，所以會事先準備「彈藥」，準備好回港狂派利是。

[img]http://www02.ktzhk.com/attachment.php?aid=724415&noupdate=yes&nothumb=yes[/img]

另外，因為沒有飆高音於《我是歌手3》被淘汰，有很多網友替他不值，基仔樂觀地說，「我唔係以選手身份去揀歌，而係以歌手身份，去揀一啲可以講到自己故事嘅歌、以歌手嘅心情去揀自己想唱嘅歌，對排名無咩預期，所以無覺得好失落，心情都幾好。」

基仔又指，稍後會有一個「突圍賽」，四星期後會重返舞台，現在只是暫別，看看能否復活。不過對於暫不需錄節目會有更多時間，可以籌備婚宴；基仔又拍晒心口地說，「一定要今年擺酒，希望唔好到年尾先擺，因為舊年7月註冊，過一年先擺都幾過意唔去。」