有新野又有水準既放題，不彷試下！

放題唔係特別貴，仲有好多款揀，所以我都成日幫襯架，本來食慣左果幾間，今次朋友帶我去雋太放題又幾岩食喎！刺身基本都新鮮同厚切，每次黎都有冰鎮，確保新鮮；而香芒蟹籽沙律幾特別，好香芒果味但食落去係蟹籽質地，有驚喜！最考功夫既羊扒都處理得唔錯，唔難咬開亦唔會羶，出奇地我食左兩件。最後既驚喜就係放題竟然有送瑞士品牌雪糕movenpick，甜度適中同超香滑，有呢個咁好食既甜品埋尾真係好完美既一餐！