炒家愛囍滙　鄭明明全家總動員

新盤市場持續升溫，炒家重出江湖。過往傾向大手掃貨的美容界「炒樓天后」鄭明明，蟄伏兩年後首度出擊，揚言全家總動員入票灣仔焦點盤囍匯2期，昨已入6張票。市場消息指，截至昨晚8時，該盤錄近1,800個意向登記，超額認購約7倍。

樓市受多項重稅打壓下，炒家早銷聲匿跡。近期多個一手盤回贈稅項及連串優惠促銷，促使蟄伏已久的炒家再度出擊。已有2年未有入市的美容界「炒樓天后」鄭明明，昨現身灣仔囍匯展銷廳，直言：「入咗6張票」，料涉資120萬。
自一手條例生效後，新盤以抽籤方式發售，「豪氣」買家自行向發展商大手取貨的現象已不復再，鄭明明被問及假若是次6票全中，她說：「梗係買晒啦！咁難得，呢個係幸運。」

[img]http://static.apple.nextmedia.com/images/apple-photos/apple/20131125/large/25bm02p.jpg[/img]
■美容「天后」鄭明明（右二）昨現身灣仔囍匯展銷廳，並表示已入6張票。

[img]http://static.apple.nextmedia.com/images/apple-photos/apple/20131125/large/25bm06p.jpg[/img]
■新盤市場熾熱，囍匯展銷廳昨日人頭湧湧。　

[b]鄭躬洪：樓市似迴光返照[/b]
她稱：「價錢比平時低好多，平時買個啲好貴……我哋唔講回報住，最緊要買到先……我喺印尼、新加坡都買咗樓，有時（當地政府）有好多政策，但係你放（樓）喺度，會升，𠵱家啲現金唔值錢。」
她又說：「差唔多兩年冇買樓，因為搵唔到啱嘅，但呢個項目（囍匯）睇咗好耐，因為位處灣仔……」
信置執行董事黃永光在旁不斷介紹物業，更接着說：「一房攞嚟收租，唔錯！」。
不過，另一名炒家「玩具鄭」鄭躬洪指：「各有各睇，呢期我就唔買喇，樓市似係迴光返照多啲，發展商出埋啲新奇招數，引買家入市。當然囍匯位置係好，不過我哋買樓投資，為咗賺錢，就算買都唔係𠵱家，等個市爆咗先嚟買都唔遲啦！」
他續稱：「政府唔畀樓市升，買啲物業返嚟，都係希望升值箒，唔通攞嚟收租咩，得嗰兩、三厘，收租物業又煩到死，廁所漏水都要理，一啲都唔好玩。豪宅就更加難租，得一、兩厘回報，有時個客走咗，要等好耐先搵到另一個客。𠵱家係政治市……就算錢多都唔一定要買樓，基金、股票都好㗎！」
信置發言人指，截至昨晚6時錄逾1,600張入票，本周三發售330伙，視乎銷情或會緊接加推。對於近期發展商以稅務優惠拆招，是否意味辣招失效，黃永光指：「辣招唔係一次過推出來，而是逐步推。過去一年，辣招係有效，睇中原指數係好平穩，not go up, not go down。政府mention咗好多次，佢哋推出辣招，係想樓市平穩。」
其他新盤方面，東涌昇薈已累積逾1,700張票；新地（016）西環Imperial Kennedy錄開賣以來最大金額成交，42樓A室特色戶以4,093.5萬元成交，呎價3.2萬元。

[img]http://static.apple.nextmedia.com/images/apple-photos/apple/20131125/large/b0401a.gif[/img]

來源:蘋果日報網站