嘉華轟叻哥護主　通頂拍港視劇

香港電視未獲發牌，不少劇集被迫停工，加上最近保皇黨在立法會否決引用特權法查免費電視發牌風波，可是港視藝員林嘉華和郭鋒等仍發揮堅毅精神把未完成的劇集《Night Shift》拍好，預計本月內煞科，他們前日傍晚至昨日通宵趕戲。林嘉華先跟劇中扮太太的何紫綸到油麻地拍攝撐枱腳食串燒戲，至前晚11時左右，他跟郭鋒轉場到大埔科學園附近拍攝飛車查案捉賊戲份。
對於有網民提出下周二（19日）無綫台慶時熄電視贈興，陳百祥（阿叻）前日在將軍澳電視廣播城跟龔嘉欣等為台慶表演綵排時，他自信爆棚說：「如果可以熄到得番兩、三點（收視），我就跪喺度，一路由將軍澳跪返屋企！」港視藝員郭鋒昨日在電話揶揄阿叻挑機論：「意氣風發咗啲，呢啲係個人修養。」

[img]http://static.apple.nextmedia.com/images/apple-photos/apple/20131112/large/12ec3p2.jpg[/img]
■林嘉華（左）和郭鋒前晚通宵趕拍劇，二人炮轟陳百祥的挑機言論。

[img]http://static.apple.nextmedia.com/images/apple-photos/apple/20131112/large/12ec3p1.jpg[/img]
■林嘉華前晚和何紫綸拍攝港視劇集《Night Shift》，劇情交代夫妻收工撐枱腳。

[b]沈大師施苦肉計[/b]
林嘉華指阿叻認叻是護主行為：「無綫嗰日開生日會，喺佢立場都需要作出呼籲。阿叻話嘅兩、三點，亞視某程度上都有啦。」港視劇集雖然出街遙遙無期，但製作時都非常認真，林嘉華說：「大家用心拍攝。」郭鋒也說：「劇集係公司資產，冇理由hea咗佢。」林嘉華和郭鋒異口同聲下周二力撐無綫台慶熄電視。

[img]http://static.apple.nextmedia.com/images/apple-photos/apple/20131112/large/12ec3p3.jpg[/img]
■阮兆祥（中）昨日為台慶綵排，他希望觀眾當晚要支持勿熄電視。

阮兆祥昨日在電視城綵排敲擊人體，他不想當日觀眾熄電視說：「相信都有好多觀眾等住睇，我嘅責任係做好台慶，唔擔心收視。」龔嘉欣和沈卓盈台慶練花式足球搞到周身瘀，觀眾若選擇熄電視，她們豈非白費心機？龔嘉欣昨說：「唔好熄啦，不過好多嘢我哋控制唔到。」沈卓盈也說：「我哋真係好努力綵排，希望觀眾會收睇同支持。」


來源:蘋果日報網站