梁思浩轟雙面人　白姐姐反擊短命種

現年69歲的白韻琹（白姐姐）最近和54歲謝偉俊（Paul）傳婚變，竟然演變成白姐姐和梁思浩罵戰！思浩大前日請了白姐姐為《娛樂審死官》做嘉賓，原先題目談曾志偉，後臨時改為談婚變，結果白姐姐在節目中狂兜圈帶思浩遊花園，令思浩㷫爆，在微博鬧爆白姐姐說：「誰在我面前講大話，我都不會畀面，罵你便罵你！管你是白韻琹！」
對於思浩鬧爆，白姐姐昨日在電話中亦相當火滾說：「我有乜嘢欠你呀？就算我真係應承咗你，我覺得唔講得，我係咪有權唔講呀？你嚴刑拷逼我，我都未必要答你，何況我冇應承任何嘢。我未見過人咁冇品，你約我嗰陣都唔係講呢個題目，咁樣搵我嚟出風頭、嚟出位、嚟踩我？你係我邊個呀？梁思浩唔該你照吓鏡啦！唔信鏡信吓盆水啦！你有個節目大晒呀？正一垃圾！」思浩在微博話白姐姐係「老女人」，白姐姐就回敬說：「梁思浩你唔好嫌人哋老，我希望你有得老，我怕你短命冇得老咋！」

[img]http://static.apple.nextmedia.com/images/apple-photos/apple/20131108/small/08ec4p5r.jpg[/img]
■大前日梁思浩在《娛樂審死官》訪問白姐姐講婚變，怎料演變成兩人罵戰。資料圖片

[img]http://static.apple.nextmedia.com/images/apple-photos/apple/20131108/small/08ec4p6r.jpg[/img]
■導演拍了白姐姐訪問以外的另一段片，標題話白姐姐人前人後兩個樣。

[img]http://static.apple.nextmedia.com/images/apple-photos/apple/20131108/small/08ec4p8r.jpg[/img]
■白姐姐和謝偉俊近日再傳婚變，白姐姐大爆和阿Paul二十幾年無行房。
資料圖片


[b]轟人前人後兩個樣[/b]
對於白姐姐還擊，思浩昨日回應：「佢一嚟到捉實我隻手，講到懶慘咁樣，教我要問佢乜乜乜，咁我咪問囉，點知佢耍我，我咪發火囉！」思浩強調在白姐姐同意下才改為婚姻題目說：「佢應承我哋會講，話問乜都得。我嬲係有啲人喺人前人後兩個樣，唔單止玩我，仲玩工作人員，我節目係全個now收視第一位，我使乜借白韻琹呀？今晚（昨晚）節目出街，有條片喺我入咗房之後佢同我道歉，個導演拍低咗，佢話：『唔好意思呀，係咪唔滿意呀？』我哋會將嗰段片出埋街，我會話白姐姐人前人後兩個樣。」
在白姐姐「人前人後兩個樣」的片段中，白姐姐說：「我絕對唔係一個令人冇性慾嘅人，冇諗到佢咁認真咁唔騷我……有時行街見到賣菜婆都覺得佢幸運過我，因為起碼有人郁佢吖嘛。」


來源:蘋果日報網站