斥志偉搞亂娛樂界　白姐姐力數「罪行」

已貴為區議員的白韻琹，講完婚姻，也仍然關心娛圈，尤其對在娛圈甚有影響力的曾志偉感不滿，她說：「曾志偉令全娛樂界好混亂，冇乜好嘢！」白姐姐彈《獎門人》系列節目做了十幾年很恐怖，她說：「好核凸，又搵女仔笨，粗鄙、肉麻又唔好笑，對社會冇好貢獻。」
白姐姐又覺得志偉為人庸俗，但因識做人而造成壟斷，並力數她所知有關志偉的「罪行」：「無綫以前演藝人協會嘅會員客串，有六百蚊車馬費，後來我聽到曾志偉話佢哋係畀機會人出鏡，使乜畀咁多，最後由六百變一百，到拍戲時一百都冇，得封無言感激利是，收到吉利是真係大吉利是！」她認為志偉在電視台影響力很大，但節目沒創意，已多年沒睇無綫：「我支持發多啲牌，等大家競爭，然後自然淘汰。」

[img]http://static.apple.nextmedia.com/images/apple-photos/apple/20131106/large/06ec1p12.jpg[/img]
■白韻琹多年前曾上《獎門人》，但她照彈節目粗鄙。


來源:蘋果日報網站