白姐姐自爆婚變　Paul：最叻教人離婚

謝偉俊前晚到灣仔會展出席活動，對於有傳離婚，他說：「佢呢方面教人好叻，我哋仍然一齊，我都講過佢係伴侶同配偶，暫時冇變。」他重申沒拈花惹草沒第三者：「你哋打開電視都見我坐喺度，邊有時間有呢啲花花。」談到感情狀況，Paul支吾以對：「OK嘅，佢近來有少少唔開心，要處理吓。我最近比較忙，好多壓力，政局有比較多關鍵事情發生咗。」他否認與錢銀有關。
Paul透露仍與白姐姐同住，問可有傾偈？他說：「今日冇傾偈。」幾耐沒傾？他想了想笑說：「無聲勝有聲，我要處理啲事情。」對於被指買豪宅因財失義，他說：「一定唔係婚變，希望唔係。冇乜特別嘢，係佢抽中，我幫吓手，抽中兩個單位都係佢名。」會否覺得白姐姐不夠體諒自己？Paul說：「佢唔開心就大晒啦。」

[img]http://static.apple.nextmedia.com/images/apple-photos/apple/20131106/large/06ec1p3.jpg[/img]
■謝偉俊前晚對婚姻問題支吾以對，只坦言與白韻琹「今日冇傾偈」。


來源:蘋果日報網站