失城姣黐力宏　AK死撐：唔想借人宣傳

有傳郭富城因不滿葉熙祺經常借緋聞宣傳，一怒下飛甩女方，近日葉熙祺又成功搭上王力宏。昨日葉熙祺在尖沙嘴出席Olay活動時，被活動主持林子博擺緋聞上枱問她：「你會唔會介紹城城同王力宏用呢個護膚品？佢哋邊個皮膚好啲？」葉熙祺表現尷尬沒回答。提到城城昨剛巧又有活動，葉熙祺表示不知道。會否探班？葉熙祺稱：「得閒先，唔知活動幾時完。」是否城城不准朋友探班？她稱：「唔係，咁蹺啫，我都係啱啱知大家同日出席活動。」有傳城城已飛甩她，有否聯絡？葉熙祺故弄玄虛未有回答。

[b]城城避談免是非[/b]
日前葉熙祺在微博貼出和王力宏合照及撒嬌錄音，之後又刪除，她辯稱：「客氣說話啫，朋友講笑。」是否因fans炮轟即刪除？她死撐：「唔知會連微博同步，諗住發咗出嚟咪刪除，我個錄音app都有fans聽眾，不過我唔係要多人聽。」是否因被城城飛甩而改投王力宏懷抱？她說：「冇呢回事，關係只係朋友嘅朋友，有電話但好少聯絡，基本上係冇。」可怕得罪王力宏的fans？她說：「冇話怕唔怕，以後都唔會貼男藝人合照出嚟，冇必要搞出誤會俾人寫。」至於被林子博玩，她又擺出委屈姿態：「少少尷尬，唔想俾人提，但又提起，唔想人哋以為借人宣傳。」
另邊廂，城城昨到旺角為浪琴錶新店主持開幕，倪晨曦及傅嘉莉則任模特兒向城城交上「我最喜愛亞太區腕錶代言人」獎座，錶行送上一對手錶給城城預祝周六的48歲生日。城城笑言：「送畀媽咪。」生日願望會否想有新女友？城城稱工作為首。提到葉熙祺昨亦有活動，城城沒回應，有指女方借他宣傳及搭上王力宏，城城只答：「緋聞同啲唔真實嘅嘢，唔回應都變是非，唔講好過講。」活動期間，店外有外籍男fans見城城大叫「I love you」及「marry me」，認真搞笑。

[img]http://static.apple.nextmedia.com/images/apple-photos/apple/20131022/small/22ec4p1r.jpg[/img]
■葉熙祺談到在微博跟王力宏打情罵俏，越講越多疑點。

[img]http://static.apple.nextmedia.com/images/apple-photos/apple/20131022/small/22ec5p20r.jpg[/img]
■城城昨獲倪晨曦（左）及傅嘉莉代表大會送上獎座。


來源:蘋果日報網站