HKTV失牌　傳張可頤冇錢供樓

張可頤（Maggie）以部頭形式跟「魔童」王維基的香港電視拍攝電視劇《客家女人》，奈何政府拒絕發免費電視牌照予港視，令Maggie演出的新劇播映無期。昨日有報道指政府拒發牌令Maggie和林文龍加入「失業」大軍行列，其中Maggie今年3月以600萬購入元朗的四季豪園獨立屋，如今「失業」令她沒錢供樓十分頭痕。至於林文龍則被指「失業」後向無綫𢱑撈。

[img]http://static.apple.nextmedia.com/images/apple-photos/apple/20131022/small/22ec2p11r.jpg[/img]
■張可頤前日與蒙嘉慧參與遊行，對被指失業沒錢供樓，張可頤指現時每一個香港人也為供樓而拼搏努力。資料圖片

[b]「供樓年期咪長啲囉」[/b]
記者昨日致電Maggie，對被指無錢供樓，她輕鬆笑說：「哈哈兩聲，冇關係，香港有邊個唔係靠自己努力去拼搏？邊個唔係供緊樓？如果香港電視工業係蓬勃，環境好啲，我供樓年期咪會短啲囉，𠵱家供樓年期咪長啲囉！其實對我嚟講影響唔係好大，大家應該focus喺香港電視班基層員工度，佢哋有家庭負擔，喺香港生活真係好艱難。」至於林文龍則至截稿前未獲回覆。

[b]「多個台絕對係好事」[/b]
前日一班藝人為香港電視參加遊行，抗議政府黑箱作業之餘，更促政府為拒發牌原因作交代。部份藝人接受商台錄音訪問，其中Maggie說：「覺得有需要咁做，望蘇局長畀合理解釋，覺得要維護幕後人嘅努力。」有報道指蒙嘉慧向港視追討賠償，但她否認說：「從來冇，自16日拍外景前通知暫時停工，冇傾過工作上嘅嘢，畀空間佢哋做嘢，而且佢哋冇毀約。」林文龍則說：「事件令人憤慨，如果唔出嚟，都唔知自己係咪呢行。」元華激動謂：「正如香港人追究菲律賓人質事件，香港電視都想追求真相。」元華表示得知未獲發牌，失望到極，腎上腺爆發。

[img]http://static.apple.nextmedia.com/images/apple-photos/apple/20131022/small/22ec2p8newr.jpg[/img]
■上月與港視滿約的周家怡（上圖）和現為無綫拍劇的張慧儀（右圖），昨日也認為政府應交代拒發牌給港視的原因。

[img]http://static.apple.nextmedia.com/images/apple-photos/apple/20131022/small/22ec2p31r.jpg[/img]

另外，正為無綫拍劇的張慧儀昨日在新城受訪時表示：「若果發係好事，政府需要（解釋），我覺得（要交代）究竟（唔發牌）係乜嘢原因呢，因為好多年輕一輩想喺呢行發展，有多個台絕對係一件好事。」而上月與港視滿約的周家怡昨到太古城出席活動，她說：「今晚都會到政總支持，初步知同事會留守到25號，冇乜嘢做都會支持。希望政府畀答案同交代清楚，覺得政府聽話乜都得，唔聽話就死得。」


來源:蘋果日報網站