胡應湘轟CY辣招斂財　幫唔到市民

合和（054）主席胡應湘，再次炮轟特區政府的樓市政策，抨擊辣招是政府斂財手段，「整死香港地產界」。胡應湘又指，本港投資環境已不如以往，合和要摸着石頭過河，「唔係咁放膽投資」。
月初大鬧「香港已死」的胡應湘，昨日就有關言論進一步剖白，他先批評樓市辣招「一竹篙打一船人」，認為要打壓樓市，應該向炒樓獲益的人收稅，而非一刀切推出政策，「𠵱家連賣樓都有困難，你推出政策前，應該要有好多考慮」。
最近豪宅新盤減價，胡應湘不相信能改變樓市環境，「都係貨尾嚟，賣完又點？政府應該喺土地供應做功夫」。胡應湘再次呼籲把部份郊野公園用來起樓，「好多郊野公園，自盤古初開到都去唔到，冇人去，呢啲就係香港驕傲？」

[b]坦言唔敢放膽投資[/b]
對於天文台前台長林超英的「水塘論」，胡應湘亦有意見，「以前起水塘，最初就從香港社會角度去諗，佢（林超英）做港督就死啦」。
他建議，為低收入人士增加興建廉租屋，「可以保育、保護環境，最重要符合住屋需要，咁就係香港驕傲啦」。
胡應湘希望社會減少拗撬，「政府驚頭驚尾，又驚中間，冇得郁」，他舉例，合和二期發展遇反對聲音，「政府一驚，就同我哋講數，咁樣做唔啱規矩」。他坦言集團「唔係咁放膽投資」，但沒有回應會否撤資，「要問返胡文新」。

[img]http://static.apple.nextmedia.com/images/apple-photos/apple/20131022/large/22bm02pnewz.jpg[/img]
■胡應湘再次炮轟特區政府的樓市政策，抨擊辣招是政府歛財手段。　


來源:蘋果日報網站