JC警鐘胸出巡　紅絲儀拖裸男撼

張兆輝同老婆創立嘅GVG美容集團噚日喺尖沙嘴舉行記者會，推出最新嘅iCell系列，張兆輝好友苗僑偉（三哥）、黃日華、鄭則士同埋Jessica C.等撐場，代言人江美儀有男友吳君祥到場支持。大晒fit爆身材嘅江美儀，蹺住半裸型男出場，可惜俾谷胸配火熱紅裙嘅「警鐘胸」JC搶鏡。

[img]http://static.apple.nextmedia.com/images/apple-photos/apple/20131017/large/17ec6p1.jpg[/img]
■索爆嘅江美儀由赤裸上身嘅肌男陪同出場。

[b]三哥非禮勿視[/b]
大會分別安排三哥同JC、張兆輝同江美儀、黃日華同黃𨥈瑩分組，示範幫女士做面膜，三哥顯得有啲雞手鴨腳，仲笑住話：「Jessica一烏低身，閃光燈就係咁閃，我個頭都唔敢望過去。」華哥又幽自己一默話：「𠵱家我好畀心機學，我之後冇乜嘢做，可能轉做美容師。」暗指香港電視未獲發牌。
張兆輝話今次友情價請老友江美儀幫手，講到江美儀個廣告好性感，佢笑話：「唔係好搏箒，都冇乜嘢睇，都係少少事業線，我都有。」江美儀話原本噚日想着件中胸衫，但自己冇本錢着，所以拒絕咗，佢又話唔驚JC搶鏡，JC年輕貌美，自己就成熟穩重。江美儀話拍廣告時男友都有嚟鼓勵佢，冇話唔准性感，況且佢咁大個人都知底線係乜嘢。

[img]http://static.apple.nextmedia.com/images/apple-photos/apple/20131017/large/17ec6p2.jpg[/img]
■Jessica C.低胸性感，唔怪得三哥要戴黑超遮眼。


來源:蘋果日報網站