同黑絲儀連咀3晚　馬明咀到高潮眼

[img]http://static.apple.nextmedia.com/images/apple-photos/video/20130829/org/1377722221_9df5.jpg[/img]


一晚，兩晚，三晚，馬國明同江美儀呢一對，喺《衝上雲霄II》今個星期一嗰集開始，嚟咗次「驚天地泣鬼神」嘅激咀戲份之後，就好似停唔到落嚟咁，前晚，同噚晚，兩個人仍然要係咁咀...咀...咀...

噚晚嗰集講馬明要考機長，點知就遇上佢好驚嘅台灣黃機長，又迫佢飲芭樂汁，佢一諗起就會肚痾，咁樣，考唔到機長o架喎。

好彩，愛情係偉大嘅，江美儀見到佢咁，就同佢講:「你知唔知今日對你嚟講幾緊要？」然後一嘢咀落去鼓勵呢位小男友，馬明即刻手一緊握，連紙杯啲水都「必」出嚟，隻眼仲反晒白出現疑似高潮眼。唉，使唔使咁冤氣呀?

之後仲未夠o架，馬明成功考到機長，佢同美儀去到巴黎鐵塔嚟個反轉再反轉，肉緊再咀多一round，之後繼續返房床戰...wow...呢啲劇情真係....事後馬明仲著住粉紅色孖煙囪添...使唔使咁可愛呀....唔怪之得head姐(即係黑絲儀)錫晒你啦！


來源:蘋果日報網站