Sam哥投資百萬做廚神　衝上節目攻師奶

吳鎮宇在無綫熱播劇《衝上雲霄II》扮機長唐亦琛（Sam），成功征服萬千觀眾，其實鎮宇除在劇中是烹飪高手外，在現實生活中原來是一個廚神，據知無綫最近力邀鎮宇主持烹飪節目，以他的型男魅力挑戰廚房攻陷師奶市場，惟鎮宇肥水不流別人田，自資做老闆投資七位數親自下廚，化身Sam哥風格教人整叉燒包等點心，滿頭大汗搞爛gag，成為新一代型男廚神。

[img]http://static.apple.nextmedia.com/images/apple-photos/apple/20130822/large/22ec1p1r.jpg[/img]
■吳鎮宇自資製作烹飪節目，前日他拍攝時Sam哥上身，認真地教整叉燒包。

於2000年憑《鎗火》奪金馬影帝的吳鎮宇，在無綫劇《衝上雲霄II》的精湛演出再掀煲劇潮，演技已達神級水準的他最近默默起革命向廚房挑戰，原來鎮宇的爸爸是點心師傅，自小跟爸爸入廚的他學得一手好功夫，據知早前無綫力斟鎮宇拍攝烹飪節目，希望鎮宇再下一城由機師變廚師，吸納龐大的師奶觀眾市場。

[b]曾跟父親學做點心[/b]
不過，無綫的如意算盤卻遲來一步，據知去年鎮宇已計劃化身廚師拍烹飪節目，主動聯絡蕭潮順的製作公司合作，雙方一拍即合決定合資七位數製作費，由鎮宇親自下廚教觀眾整創意點心，節目已於早前開工，前日鎮宇在九龍塘錄影，以型男look現身教整創意叉燒包和蝦餃。
鎮宇親自落手切叉燒、搓麵粉和炒菜，樣子認真似足Sam哥整蛋糕，他邊整邊介紹煮法，並嘆說：「一路煮嘢一路講嘢，幾唔能夠集中精神。」雖然樣子cool爆，鎮宇卻不停搞爛gag，為節目增加趣味，炒餸時搞笑說：「又炒第二樣嘢，經濟不景炒完呢個炒嗰個，同老闆一樣。」搓麵粉時更搞到滿頭大汗，抵死說：「又係我哋少林寺點心房嘅時間，聽講當年少林寺有三十六房，入面有個叫點心房，仲有迷蹤掌、太極鏟法，各位師奶家庭觀眾，你哋成日使錢去瘦身，做多幾日點心，我諗成身都瘦晒，仔女唔聽話，搓十分鐘自然會聽話。」

[img]http://static.apple.nextmedia.com/images/apple-photos/apple/20130822/large/22ec1p3r.jpg[/img]
■鎮宇炒餸時搞爛gag：「經濟不景炒完呢個炒嗰個，同老闆一樣。」

[img]http://static.apple.nextmedia.com/images/apple-photos/apple/20130822/large/22ec1p2r.jpg[/img]
■鎮宇切叉燒時手勢純熟，父親是點心師傅的他果然學到嘢。

[img]http://static.apple.nextmedia.com/images/apple-photos/apple/20130822/large/22ec1p4r.jpg[/img]
■搓麵粉搞到滿頭大汗的鎮宇，要工作人員幫手抹汗。

鎮宇第一份暑期工就是跟父親做點心學徒，他說：「自己想完成教人整嘢食嘅夢想，因為我老竇係點心師傅，所以同製作單位溝通後，用點心開咗個頭先，點心適合一家人假期玩，希望節目將點心文化推得深入啲，唔好成日出街食，將米芝蓮帶返屋企，好似識造一件衫，就造衫畀自己出席頒獎禮，整件事合自己心水啲，有時出去食點心，可能想加某啲嘢但加唔到，喺屋企整就可以發揮創意。」

[img]http://static.apple.nextmedia.com/images/apple-photos/apple/20130822/large/22ec1p5r.jpg[/img]
■在《衝上雲霄II》中，鎮宇擅長整蛋糕，原來現實生活中他也是烹飪高手。電視圖片

[b]「未諗賣畀邊間電視」[/b]
鎮宇由機師轉做點心師傅，由整蛋糕變整叉燒包，他笑說：「我係識整蛋糕，做廚師要真材實料，唔係得把口，好似識講波最好識踢波，評論擂台最好識打番兩拳，咁美食節目主持人，最好識炒番幾味同包點心，咁先叫專業，我由細到大都鍾意食同製造食物。」
自誇對點心有天份的鎮宇，以創新餡料搞新意思，他說：「我好怕做啲已存在嘅嘢，會造成比較，唔存在好同唔好都係同自己比，又多一份新鮮感，遲啲我諗會教煲湯同自己發明嘅中菜。」跟鎮宇合資的製作人蕭潮順表示節目暫定八集，製作費達七位數，會否賣給無綫播？他說：「好多華人識鎮宇，有華人嘅地方都係市場目標，未諗香港賣畀邊間電視台。」


來源:蘋果日報網站