《星夢》評判開火　網民插Jun唔識嘢

[img]http://static.apple.nextmedia.com/images/apple-photos/video/20130813/org/1376338722_27d4.jpg[/img]

無綫《星夢傳奇》前晚播出第6集，最多人談論嘅唔係鄭俊弘繼續做高分王，而係評判恭碩良唔識嘢亂踩參賽者姚兵。前晚姚兵唱韓雷嘅《男旦》，火併劉威煌唱蕭敬騰嘅《怎麼說我不愛你》，姚兵跟原唱者咁一半唱京腔一半唱流行曲腔，比評判肥媽激讚唱得好。

[img]http://static.apple.nextmedia.com/images/apple-photos/apple/20130813/large/13ec10p1a.jpg[/img]
■恭碩良前晚喺《星夢傳奇》勁踩姚兵，肥媽忍唔住即場寸佢，叫佢聽多啲中文歌。電視圖片

點知恭碩良勁踩話聽呢首歌似睇緊鬼片，即時俾肥媽寸爆：「你少聽中文，你係中國人嚟㗎，聽多啲啦。」但恭碩良繼續狂踩姚兵話：「你一係唱京腔唱到尾，一係唱西方歌唱到尾，京腔再加西方歌係完全唔make sense！」主持鄭裕玲話首歌本身係咁，而肥媽提恭碩良小心俾原唱者告，但恭碩良好寸咁話：「I don't care！」佢又話姚兵唱腔成日轉嚟轉去，搞到佢想熄機。肥媽就話要送番隻宋祖英唱片畀恭碩良聽，而主持崔建邦都忍唔住話恭碩良迂腐。

[img]http://static.apple.nextmedia.com/images/apple-photos/apple/20130813/large/13ec10p5a.jpg[/img]
■肥媽大讚姚兵有音樂感同好協調，畀人舒服感覺。電視圖片

[img]http://static.apple.nextmedia.com/images/apple-photos/apple/20130813/large/13ec10p3a.jpg[/img]
■姚兵唱《男旦》跟原唱一樣半京腔半時代曲腔，出嚟大部份評判都讚好。電視圖片

[img]http://static.apple.nextmedia.com/images/apple-photos/apple/20130813/large/13ec10p2a.jpg[/img]
■恭碩良唔止俾肥媽寸，仲俾網民鬧爆唔識嘢，叫佢收聲。電視圖片

[b]「我去更正佢啫」[/b]
其實以前陳昇同劉佳慧有首好流行嘅《One Night in北京》，都係半戲曲半流行曲，呢類型嘅歌有好多，唔明點解恭碩良覺得奇怪難頂，唔少網民都鬧爆恭碩良自己唔識嘢走去亂踩人，叫佢唔識嘢就唔好評，亦有人叫佢收聲話：「你連經典都未聽過，做乜音樂人？」噚日記者問番肥媽，佢喺電話度話：「係咪少聽中文歌先？我有冇講錯嘢先？」會唔會覺得恭碩良唔適合做評判？肥媽話：「我冇資格講，因為係無綫請佢，佢當然有資格做評判。我講嘢好直，或者佢唔了解啫家時下流行唱緊乜嘢，如果佢話唔知佢（姚兵）唱乜嘢，我去更正佢箒，我作為老人家同前輩，都應該話聲畀佢聽嘅。」至於恭碩良經理人嗰邊就話今日出席活動至回應。


來源:蘋果日報網站

*** 作者被禁止或刪除 內容自動屏蔽 ***