秋生鬧警察玩X完　阿澤：港人唔好蝦

[img]http://static.apple.nextmedia.com/images/apple-photos/video/20130806/org/1375733489_84da.jpg[/img]


前日旺角行人專用區，大批市民聲援小學教師林慧思，另一批市民支持警方嚴正執法，雙方支持者多次發生言語衝突同肢體碰撞，怒火街頭，昨日朝早杜汶澤0係Facebook發言，「今朝11點幾話港人從來都係以錢行頭，政治冷感，點解現時會變成咁，國民教育、林老師、呢0的又係咩一回事，四個字：欺、人、太、甚！別跟我說世界變了！世界可以變，但公道自在人心！香港人，唔係咁好蝦嘅！」

不過前日警方多次被轟執法不公，當中包括香港人優先成員招顯聰集會期間，突被指控搶奪警槍，被四名警員強行抬走，佢被扣留幾小時後無條件獲釋，而警方就話係「一場誤會」作結。黃秋生喺facebook發功鬧爆警方，忍唔住爆粗話：「連搶鎗咁X下九流嘅流氓借口都用得出，警察真係玩X完。」

之後秋生對搶槍事件有感而發話：「搶鎗事件誤會告終，若真是誤會，則警察集體判斷錯誤，將殺人武器交喺一班判斷力錯誤嘅人手上，市民生命十分危險，若非錯判，則一定係屈人，小流氓所為，好快可以用錢收買佢哋，政府十分危險。」


來源:蘋果日報網站