《年少無知》搞熱西九音樂節

【明報專訊】無綫劇集《天與地》終於播出大結局，象徵「黑仔」（陳豪飾）同「鼓佬」（林保怡飾）�H粉絲毋須再晚晚「煲劇」，師奶們亦可以重投無綫懷抱。講番周日�H結局篇，Emily好多朋友都讚TVB劇集罕有咁冇「爛尾」，片尾5分鐘�H「平行時空」，更加係製作人神來之筆，而啟德海濱�HRock Fest，好多網友都選為十大經典場景之一。

樂隊由朝唱到晚 試音惹起哄

《天與地》結局中喺東九龍搞Rock Fest，估唔到噚日喺西九龍，真係有個露天獨立音樂會舉行！話說西九龍文娛藝術區最近幾個星期都有文化藝術活動，噚日舉行�H「草民音樂節2012」，由民間團體「草原地圖」主辦，29隊獨立樂隊由朝早一直唱到黃昏。

搞手之一蔡志厚（Thickest）同Emily講，噚日�H音樂節總共有700至800個樂迷捧場，其中一隊Rapper（繞舌歌手）出場時，突然唱出《天與地》�H片尾曲《年少無知》，「年少多好，頑劣多好……」一出，台下氣氛即時熱起嚟，一齊高歌近日唱到街知巷聞�H「如果，命運能選擇……」

班Rapper唱完半首先至話﹕「試音啫，我哋其實係玩Rap�H。」Thickest就話，構思今次音樂會時冇諗過會撞中《天與地》，一邊煲劇一邊籌備音樂會，先發現現實同戲劇不謀而合。

講番《天與地》結局，好多朋友睇完結局，都話明白點解內地網絡會禁播，劇中「阿Yan」佘詩曼�H對白﹕「和諧唔係100個人講同一番話，和諧係100個人有100句唔同�H說話之餘，而又互相尊重。」呢句對白對於強調和諧�H內地社會，的確係當頭棒喝。