怒罵床照黑手造謠搶獎 徐濠縈不平： Kay好慘

[url=http://hk.apple.nextmedia.com/template/apple/art_main.php?iss_id=20091127&sec_id=462&subsec_id=830&art_id=13463255]http://hk.apple.nextmedia.com/template/apple/art_main.php?iss_id=20091127&sec_id=462&subsec_id=830&art_id=13463255[/url]

陳奕迅（ Eason）和謝安琪（ Kay）的緋聞越傳越烈，更有雜誌刊登疑似兩人的床照。 Eason老婆徐濠縈昨晚獲頒傑出衣着獎時，喪鬧有人因臨近樂壇頒獎禮，想攻擊環球系歌手，並指受連累的阿 Kay好慘。

第 21屆傑出衣着人士頒獎典禮昨日在尖沙嘴 The Mira舉行，今屆 10位得獎者全都是首次獲獎，包括湯唯、蔡卓妍（阿 Sa）和徐濠縈等（詳見附表）。

「攻擊環球系」
早前有雜誌刊登疑似陳奕迅和謝安琪床戰的床照，昨晚徐濠縈身穿一身 Miu Miu膠裙，直認心情受事件影響，但並非因為老公的緋聞，她說：「我冇睇過，嗰日有人夾硬遞啲相畀我，某啲雜誌好變態，係人都知邊個係幕後黑手，就快年尾頒獎禮，啲唱片公司有人心哋唔好就攻擊人， Kay同 Eason同一間公司，梗係唔敢講。」

阿徐越講越激動說：「阿 Kay好慘，製呢啲醜聞中傷人係好差嘅行為，一睇就知第三者係邊個。佢兩個係前線歌手，如果我唔敢講，就冇人夠膽講，我𠵱家一次過一字一句，你哋記低，年尾頒獎禮，想攻擊環球系！」問阿徐是否和 Eason同受困擾？她說：「都覺得煩，一次兩次咁中傷，越玩越大，發聲明都啱，確保佢哋形象，同畀小朋友喺健康家庭長大。」她認同謝安琪所講，被指背夫偷漢是一個大侮辱，她說：「如果係我，我嬲到震，其實頒獎禮可以好和平，係佢哋（指唱片公司）唔化。」
湯唯穿上 Bonita Cheng的藍色晚裝領獎，她表示忙於拍新片《晚秋》，更讚同片的玄彬靚仔，有傳她和內地知名汽車企業家長子蜜運，她否認說：「工作中，唔係真嘅，我同工作拍拖。」

小天欣賞湯唯

另外，阮經天一身 Dior Homme到場，他揚言得獎受寵若驚，同屆得獎的人中，他最期待見到湯唯，因為看過她在《色，戒》的演出，小天說：「很厲害，在別人面前做出這個尺度，需要勇氣和犧牲。」榮雪梅穿上 Roberto Cavalli晚裝領獎，卻出現透點疑雲，她一臉驚慌說：「我打咗底。」
採訪：梁錦雯、顏英儀　攝影：仇志德


十大傑出衣着人士得獎人：湯唯　簡介：影星
得獎人：蔡卓妍　簡介：歌手
得獎人：徐濠縈　簡介：陳奕迅太太、潮店 Liger創辦人
得獎人：陳浥萍　簡介：林建岳女友、精品店、古董店老闆
得獎人：榮雪梅　簡介：名媛
得獎人：蘇永康　簡介：歌手
得獎人：林保怡　簡介：藝人
得獎人：阮經天　簡介：台灣藝人
得獎人：羅素　簡介：影星、張天愛老公
得獎人： Bruce Rockowitz　簡介：李玟男友、利豐集團董事

資料來源：十大傑出衣着人士頒獎禮