陳煒轟劉伊心大話精畀分最低

陳煒轟劉伊心大話精畀分最低                                                                                                      本文重點
                      [list][*][url=http://orientaldaily.on.cc/cnt/entertainment/20091026/00282_001.html#para3]Ana R.彈欠自然美[/url][*][url=http://orientaldaily.on.cc/cnt/entertainment/20091026/00282_001.html#para5]葉家寶撐冇問題[/url][/list]                    

                    
                  
                                                        《2009亞洲小姐競選準決賽》將佳麗胸部、腳趾拆件解構的審美環節，惹來全城狂插，身為評判的陳煒直斥亞視愛搞噱頭、亞姐乜都假，矛頭更直指大熱(18)劉伊心，名模Ana R.則彈亞姐欠缺自然美。               
                                                                                        身為96年亞姐冠軍的陳煒，鬧起師妹(18)劉伊心時，毫不留情地說：「我好討厭佢喺問答環節講大話，喺台前唔認戴牙套，返到後台又認，搞到話佢有戴牙套嗰位專業牙醫好冇面，仲要司儀幫佢補鑊，做牙套咪做牙套囉，我都有做但我敢認，我最唔鍾意人講大話，佢根本唔尊重觀眾，所以喺問答環節我畀佢最低分。（但佢照入圍噃！）入圍啫，咁佢個樣同身材都OK嘅！」
                          [table]                [tr]                  [td]                                                                                                              [url=http://orientaldaily.on.cc/cnt/entertainment/20091026/photo/1026-00282-001b2.jpg][img]http://orientaldaily.on.cc/cnt/entertainment/20091026/photo/1026-00282-001p2g2.jpg[/img][list][*]唇紅齒白的R劉伊心先否認後再承認戴牙套，惹來講大話的指控。[/list][/url]                                                                     
              [/td]                                                                        [td]                                                                                                              [url=http://orientaldaily.on.cc/cnt/entertainment/20091026/photo/1026-00282-001b3.jpg][img]http://orientaldaily.on.cc/cnt/entertainment/20091026/photo/1026-00282-001p3g2.jpg[/img][list][*]大話劉伊心有牙為證。[/list][/url]                                                                     
              [/td]                                                                                      [/tr]                [/table]                                                                                                                        [url=http://orientaldaily.on.cc/cnt/entertainment/20091026/photo/1026-00282-001b4.jpg][img]http://orientaldaily.on.cc/cnt/entertainment/20091026/photo/1026-00282-001p4g3.jpg[/img][list][*]Ana R.身為亞姐評判也慨嘆佳麗們欠缺自然美。[/list][/url]                                                                                 
                              Ana R.彈欠自然美                陳煒又力斥將佳麗拆件解構的「美麗大測試」環節考慮不周，她說：「亞視不嬲鍾意搞gimmick，本來分組評佳麗無可厚非，亦都幾有娛樂價值，但要佳麗企喺板後面凸胸，喺現場睇就覺得好笑，但觀眾透過鏡頭睇，可能會唔舒服，我諗冇塊板會好啲。好在係搵女model上台解構，如果係搵男嘉賓，大家會仲唔舒服。」
                                                                                                                                                              另一評判Ana R.昨日出席婚紗騷時，亦狠批亞姐佳麗欠缺自然美，她說：「依家多咗女仔整容，無論樣定身材，整咗都好易睇得出，我想揀選發自內在美嘅佳麗但好難，我希望睇到佳麗表現自信同真正嘅自己。我有兩個心水都入咗圍，但為免影響賽果，我唔會講名。」
                                                                                                                                                    葉家寶撐冇問題                而亞姐負責人葉家寶回應批評時說：「喺製作上冇呢種感覺，只想將佳麗作更深入嘅全面睇，凸顯佢哋健康美。（夾胸畫面賣弄色情？）唔會，噱頭嚟啫，到依家未收到任何投訴，賽制係咁玩法，觀眾會覺得新鮮，評判亦唔會只睇個胸嚟評分。（劉伊心講大話？）呢個係女仔自己問題。（AnaR.話佳麗欠自然美！）有冇整容好難評定，留畀觀眾衡量。」
                                                                                                                                                                    文：影視組
[url=http://orientaldaily.on.cc/cnt/entertainment/20091026/photo/1026-00282-001b1.jpg][img]http://orientaldaily.on.cc/cnt/entertainment/20091026/photo/1026-00282-001p1g1.jpg[/img][list][*]陳煒點名批評大熱(18)劉伊心，夠膽戴牙套唔夠膽認。[/list][/url]                                                                                                                           




東方日報
http://orientaldaily.on.cc/cnt/entertainment/20091026/00282_001.html